الحي الميت للشاعر اسلام عامر

الحي الميت

الحي الميت مالوش حضور
أحلامه عاشت ف القبور
غصب عنه كان معزور

دنيا غرورة
ناس مغرورة
نفوس مريضة
عاشت ف الدور

بأختصار

ح اكتب حكايته ع السطور
الحي الميت مالوش حضور

عزيز النفس يا إنسان
اتحملت كتير قسوة و حرمان
من حكم ظالم خاين و جبان

رافض يشوفك فرحان
عايزك حزين بتتألم
عنيد و عمرك ماتسلم
ولا تقبل انك تتهان

صوت الحق جواك مسموع
بيرفض أي خداع و خضوع
بيصرخ يتكلم بوجع و دموع

اخترت تعيش وحدتك
ورجعت من مشوار رحلتك
قلت كفاية دي النهاية
وانت لسه ف البداية
ومن السعادة دايما محظور

ودعت كل الناس الخاينة
ودعت حياتك ودنيتك
ورضيت بنصيبك وقسمتك

الحي الميت مالوش حضور
أحلامه عاشت ف القبور

الحي الميت

كلمات / إسلام عامر