عايقه بقلم الشاعر اسامه جديانه

عايقه ومافى زيها
وشايفه نفسها
لو شوفت لبسها
بتغير على ابنها
حتى من مراته
ماهو تحت امرها
ماهي داخله فى حياته
مصاريفك لمها
هو انت كلك لها
ماهو ابوها يجيب لها
مافى كلمه تخبيها
عليه مش عليها
إياك تطاطي ليها
عطش ماترويها
وهو مطيع لها
لو تنصح بنتها
جوزك دايما راضيه
وإياك تشبعيه
علشان يشتاق لها
خدي منه اللي تطوليه
زي الأستك عامليه
مافى حاجه تهمها
زمن الحموات عاد
من بعد ماكان مضى
والرجاله الشداد
كان زمن وانقضى
حموات زي الأوتاد
داخله فى عيشة الولاد
خلت حياتهم سواد
مافى حد يرضها
شنبات ماليه الوشوش
لكن مايقدروش
يكسروا كلمه لها
الدنيا أيه جرالها
ليه راجعه بضهرها
زمن الحموات عاد
من بعد ماكان مضى
                            (((أسامه جديانه)))