هي حبيبته للشاعرة سحر ابو العلا * السلطانه *

هي حبته لكن هو محبهاش
هي استنته لكن هو راح ومجاش
في نفس المكان من كام سنه
قالها بحبك ويشهد علي البحر والامواج
انت ليا وشاهد عليا نجوم السما
هغيب حبيبتي يجي كام سنه
وفاتت سنه ورا سنه
وفي يوم وصلتها رسالته
انا رجعت من الفرحه طارت
حست ان السنين ما فاتت
وانها كانت امبارح معاه
كل كلامه لسه فاكراه
ووعده ليها لسه شايلاه
ووعدها هي في القلب صايناه
قالها بكره وفي نفس المكان
قالتله قبل الميعاد هكون مستنياك
وراحت واللهفه والفرحه في عنيها
واول ما لمحته جريت وحضنته
لكن الصدمه كسرت قلبها
لما لمحت بعنيها في ايده الدبله
غصب عنها الدمعه غلبت عنيها
وبصت لعنيه اللي بتحاول تهرب منها
سألته كام سؤال
ليه وامتي وازاي
انت هناك وانا كنت هنا
بصون الوعد وحافظه حبنا.
لكن مكنش عنده الجواب.
وكلمه واحده قالها.
قدرنا نفارق بعضنا
سحر ابوالعلا
#السلطانة