لحظة حداد) الشاعرة ..السلطانه... سحر ابوالعلا

(لحظة حداد)
الشاعرة ..... سحر ابوالعلا

لحظة حداد..
ع قلب مات.
بيدق يمكن.
بس عايش..
ع السكات.
حياته ماتت..
جوه منه.
واتحولت دقاته.
لآهات.
لحظة حداد.
ع ضحكة
كانت زمان
م القلب طالعه.
أصبحت.
صورة حزينة
وضايعة.
صوت مكسور
طالع من عود
بوتر مقطوع.
لحظة حداد.
ع روح محبوسة
في جسم سليم
من بره ومن جوه
متفتت ييجي مليون حتة.
لحظة حداد
ع بني آدم.
أدام الناس عايش
وهو في الحقيقه مات.
#السلطانه