العيش والخيش للمبدعه الشاعره مايسه امام

العيش والخيش
*************
انا جيت اقول موال
ضاع الكلام مني
لا لقيت حروف للكلام
ولا حد لقني
ودي الخلاصة م القلب
ياللي سامعني
خدها نصيحة لله
خالصة كدا مني
************
اللي مايحفظ عِيشَكْ
دَوَّقُه مَلْحَكْ
واللي مايشكر خِيشَكْ
احْرِمُه قُرْبَكْ
لا تعاتب الناقص
بِيطَمَّعُه كَرَمَكْ
ولا تِدِي بزيادة
للي ناكر فضلك
الفرع لو مايل
جِدْرُه أكيد خِصْمَكْ
************
مَايغُرَّكْ الضحكة
في الوش دي تسِمَّكْ
والشر هيصيبك
وانت ولا تِفْرِقْ
هَيْمُصْ من دمك
وَلَايسَمِي على اسمك
لا عـ الاصل هَنْدَوَّرْ
ولا قِدْرَة راح نِكْفِي
اصل الزمن عَرَّى
كل اللي من صُلْبِي
وكان زمان  كِتْفِي
*************
الْوِشْ وِشْ ملاك
ولسانه سم هلاك
دا شيطان ومتخفي
أِتْحَصَنْ صمدية
ومعوذة قوية
عَلِّي كمان السور
بينك كدا وبينهم
وامسك في طرف الخيط
كدا لهم يكفي
وكفاية رب عليم
بنفوس  يااااما بتخفي