... يا دعوة القلب ... بقلم الشاعر ياسر بسيوني

... يا دعوة القلب ... بقلم الشاعر ياسر بسيوني
،،،،،
ياللي أنتى جنة وأنتى خير
وكل الدنيا عندى أنتى غير
يا كل دقات القلب وآهاته
وفي السما كان كل طير
قبل حبك ضعيف فقير
وكانت مكسورة جناحاته
ولما شوفتك قلبي مال
جمال ورقة ولا ف الخيال
معاك عمرى ابتدى بساعاته
عقلي سألنى ميت سؤال
ليه هيا بالذات في موال
بكل تفاصيله ونهاياته
عيني جت مرة ف عنيكي
روحى راحت بين ايديكى
بيكى اكتمل عقدها وحباته
ياللي النفس منك نسيم
يا رزق من الفتاح العليم
يا دعوة القلب فى صلاته
يا حسرته ويا ميت ندامة
علي اللي ما تسيبى علامة
او ذكرى حلوة في حياته
ياللي الورد من جمالك غار
وكل العطر فيكي احتار
يا ربيع العمر وزهراته
....
ياسر بسيوني