حلم بسيط بقلم الشاعر/أحمد عفيفي

حـلـم بسيـط!!(قصيدة بالعامية)

*********

من -خُنً- الحيطه

بيسحبله رغيف

واربع بلحات ناشفين

فكًين هاتمين

ازاى ح يدغدغ بيهم حيرته

اتقرفص جوًه حصيرته

النوم هيهات

ملعونه اليوم ده

وكل ايام العمر الأخرانى

صورتِك خيلانى

ياعشق زمانى الاول والتانى

كات فين الفكره

لما خادتنى السكره/

وهبًيت ف ابوكى

لمًا استصغـر بيًا وقاللى

-الكردان- ده خفيف

دلوقتى بينهش فيًه خريف!

*

مين قال ف الصبر طريق

لو كنتى وافقتى وبليتى الريق!

عاوز احكيلك حلم بسيط

كان نفسى ف بقره وغيط

لاجل م اوقًف تنطيط ابوكى

واضُمك واطير بيكى

لابعد شوف

*موش قادر على نار الجوف

ولا قادر أمُصً البلحه العضمايه

*الواد بركات ده جكايه

بيغنى غناوى ترُد الروح

لكنًه حزين

االبقرة ف دارهم/ بتطالع

ف الروح

*

مهرًك كان غالى يافلق الروح

وانا ف المدهوسه بداوى ف

قلبى المدًارى ف غمًه

مش قادر اضُمًه

وخابف يفضل منهار

لحدً م ييجى نهار

أغمق من حلمه!!

**************

الشاعر/أحمد عفيفي

دمياط / مصر-