الأربعاء، 25 مارس 2020

أمى يا حضن الامان بقلم الشاعر يوسف ونيس مجلع --- مصر

بقلمى يوسف ونيس مجلع --- ايطاليا بريشيا
اصدقائى الاحباء اطيب التهانى بعيد الأم اجمل الاعياد كلمة بالعامية بعنوان كأس الجنة
أمى يا حضن الامان ------------- و نعيم وهبه المنان
يا كأس من الجنة مليان -------- بحب و ذائب فى حنان
مهما اشرب واقول رويان -------- قلبك يقول لى كمان
ياطارحة فى الوجدان ------------ اغصان الهناء الوان
----------------------------------------------------------
ياصرح عالى لحمانا ----------- ياطرح خير فى منانا
رغم الشكاوى لجفانا -------------- قلبك ناوى رضانا
يا اول همس فى ندانا ------------- يا فرح مالى دنيانا
حضنك فرشنا وغطانا --------- عطفك عرشنا وهنانا
---------------------------------------------------------
فى عينيا ضى رسمك ---------- قبل ما يرمش رمشى
واغنية قلبى اسمك ------------- قبل ما اعرف امشى
ياما حنان فى همسك –--------- طبطب وقال معلهشى
ضحكتى ظلك وشمسك ----- بروحك تدعى ماتزولشى
---------------------------------------------------------
بهجة للقلب حسك -------------- من دعائه مانشبعشى
محلا الود فى انسك ------------- جماله ما يتوصفشى
مهما نعد فى محاسنك ----------- نلاقيها ما تخلصشى
در الكلام فى وصفك ----------- رخيص ما بيعبرشى
أمى يا حضن الامان بقلم الشاعر يوسف ونيس مجلع --- مصر

ليست هناك تعليقات:

إرسال تعليق

بين الورود

ثمَّ يصعد بي غصنٌ وأحبُ تلك البراءة  لضوءِ اللحظة .. فأراها يمامات تتحلى بصوت غيمة  .. تتساقطُ حولي نقاءً قدسياً .. وكأنها عسلُ رحمة .. ...