أسمها ما اعرفوش بقلم الشاعر محسن_الريطى

أسمها ما اعرفوش بقلم الشاعر محسن_الريطى 
_______________

اسمها ما اعرفوش
لكن سميتها جميلة
اجمل عيون في وشوش
باينة من سترة طويلة
سألت قالوا نقاب
ولونه كله اسود
يدوب باينة العيون
اللي تشد وتسعد
اللي شفته فيها
يادوب جمال عينيها
رجليا اخدتني وراها
قلت لازم اتعرف عليها
تمشي وانا أمشي
تركن اركن واستني
اللي يشوفها ما ينامشي
وبيها يحلم ويتمني
العيون يا ابووووووي
والمشية رومانسيه
بتمشي تتقصع
كلها دلع وحساسيه
ولا يمكن تتوقع
فيه كده انسية
فيها تتجمع
حلاوة مخفية
يابخت اللي ياخدها
هاتخلي عيشته هنيه
يقعد بس قصادها
يشبع دي مهلبية
هي دي البنات
اللي فعلا ساحرة
تلحس عقل الواحد
من اول نظرة
قلت فاضل صوتها
ما انا لازم اسمعه
رميت فلوسي وقلت
مين غايبةمنه اتجمعوا
بصت لي برقة وحنان
والصوت ظهر وبأن
فلوسي الرد كان
ساعتها
كان هايجيني جنان
ماتوقعتش صوتها يخوف
وقطعت الزاد والرد
لا يمكن الواحد يخلف
من بعد ما اتخض

وقلت مش مشكله
أن صوتها بغبغان
سامحني يابغبغان بظلمك
مع صوت زيها خرفان
وقلت مالي بصوتها
كفاية انها اجمل إنسان
ولما تتكلم
ها ابقي اسد الودان
ومن شارع لشارع
لحتة بعيدة مهجورة
طلعت هي سكينة
واتغيرت ساعتها الصورة
قالت
قالت هات فلوسك
من غير عذاب
بسرعة يا روح أمك
لا اخلي عيشتك هباب
انا اللي ها اربي اهلك
قلت جميله
قالت بلاش عتاب
قلت طيب اسمك
قالت انت فاكرنا صحاب
قلت
قلت يا جميلة موافق
بس تشيلي النقاب
عايز اشوف الجمال
اللي خلي القلب دأب
شالت هي النقاب
وساعتها شعري شاب
اتصدمت في عنتر
ليه دقن وشناب
خد كل اللي معايا
وأنا اغمي عليا
وفرحت في نفسي
لأني عديم تربية
وقلت من النهاردة توبة من دي النوبة
لا هاعاكس ام نقاب ولا حتي واحدة عادية
ماله  اللي يمشي ف حالة يسلم من الاذية
ده انا كل حتة في جسمي بتصرخ منها شوية
#محسن_الريطى